偷竊記

呢個"黑格比"認真犀利,

除咗沿岸翻起大浪之外,

仲吹咗個賊仔去酒店嘅 Coffee Shop 偷走我個客嘅手袋,

因為打風嘅關係,

尋晚班客被迫取消咗 Dinner Cruises 而改為喺酒店食 Buffet.

突然接到領隊電話話個客被人偷咗個袋,

最慘係兩公婆嘅 Passport 都冇埋.

但最"興"係我問領隊報咗警同取消咗 Credit Card 未 ?

佢一句"得"埋嚟 : I know exactly what I need to do  !!!!!

o甘"巴弊"你打俾我"把鬼"呀 !!!

淨係問埋 D 廢話......個客聽日係咪唔走得,

有腦嘅都唔使問喇 !

冇咗 Passport ......你話呢 ????

今朝佢亦冇講噃個情形俾我聽,

好似驚我搶咗佢 D 功勞o甘 !

你要我幫個客係咪都應該同我交代一吓呀 ????

好彩因為打風另一班客遲一日至嚟,

我至可以送走班客再趕返酒店帶嗰兩公婆去領事館補領證件,

領事館話儘趕今日四點前 call 我睇吓有冇得攞 !

我當然希望攞到可以帶埋佢哋去"入境處"攪埋個"入境印",

好彩"皇天不負我呢個有心人",

接到領事館電話後,

我哋趕到去攞完證件再撲去入境處,

啱啱過咗辦公時間 4:30 PM,

我唯有"囈"個 "食蕉" 賣個人情俾我,

當然我將個客被人偷嘢嘅故事簡略講咗一次,

好彩得佢哋肯通融,

再加上入境處嘅幫忙,

破例幫我哋攪掂個"入境印",

跟住"嗱嗱臨"返酒店 Tour Desk 幫佢哋攪埋 China Visa & 買埋機票 !

等佢哋過兩日可以上大陸 join 噃班 group,

總算"大功告成" 兼鬆一口氣 !

我安慰佢哋乜都唔好再唸 !

當"抖"多兩日至開始行程 !

我仲應承送埋佢哋去機場等佢哋放心 !

雖然今日"頻頻撲撲"做咗成日義工,

但可以幫到佢哋令佢哋唔使o甘徬徨.......我都覺得開心嘅 !

起碼我亦賺多咗個經驗,

原來唔見咗 Passport 係要去入境處攞噃個"入境印"至可以出境.

我亦想响呢度特別多謝今日幫過我哋嘅"食蕉" Commander,

同埋入境處五樓嘅亞 Sir 同 Miss,

仲有多謝埋自己.....我今日真係好辛苦 !