祿山之爪

大家仲記唔記得嗰 6 個印度人呀 ??

佢哋今日响澳門返嚟,

一見到我就話好肚餓,

問我可唔可以俾佢哋响架車食乾糧,

本應就唔得嘅!

因為知佢哋會食到好污糟邋遢,

但見到佢哋個樣好餓好可憐,

响問准司機之下,

我叫佢哋唔可以整污糟架車,

兼要自己掉埋垃圾至俾佢哋响車食!

當我同司機坐响度吹水等佢哋嗰陣,

其中一個"差"大哥突然想向我施以"祿山之爪",

而我同司機都同時怒"睥"住佢,

佢即時好尷尬o甘縮開隻手,

司機怒"睥"佢嘅原因係以為佢想摸我,

但我怒"睥"佢係因為我睇住佢隻手摸完麵包摸餅乾,

之後仲摸埋 D 濕濕碎碎嘅嘢,

跟手就想摸落我"突出"嘅地方,

嗱嗱嗱.....大家咪"心邪"呀 !

佢其實係想摸我........"膝頭哥",

問我可唔可以响車外食煙咋 !

大家係咪覺得我好搞笑呢????

我居然緊張條褲多過自己,

緊係喇......佢隻手o甘污糟,

俾佢摸落嚟我條褲咪污糟哂 !

o甘我一陣仲使見人嘅 !

我望住佢隻手向乜嘢方向摸o家嘛!

我點會蝕底俾佢喎 !