開車嗰陣都冇落雨,
點知去到碼頭想落車嗰陣就好似倒水咁,
全車 26 人得幾個人有 "遮",
仲差 10 分鐘架船就開,
我即時決定有 "遮" 嘅就跟我行,
冇 "遮" 嘅就冇得去...........住,
我先帶有 "遮" 嘅客行去碼頭,
再帶噃哂 D "遮" 返轉頭接另一批客.
啱啱趕得切開船前到碼頭......唔使送船尾 !
食完飯上車仲問噃 D 客知唔知點解臨落車會咁大雨 ???
佢哋當然話唔知喇 !
我話係上天想考驗吓我有冇應變能力,
所以至咁大整蠱..........你哋 !
我話好彩我又有 "急才" 攪掂咗咋 !
我又响度兜個圈 "讚" 自己 !
死未!
乜原來你臉皮咁厚架
回覆刪除服左你
[版主回覆07/09/2008 22:16:00]唔厚面皮點做 guide 喎 ? 所以我都唔使化粧撻 D 粉响面 !
比著我都會咁做。乜依家香港仲係成日都落雨呀?
回覆刪除[版主回覆07/09/2008 22:13:00]簡直係難得至見到"太陽伯伯" !
做導遊真要有急才, 懂得應付意想不到的事情. 記得一次去布吉旅行, 戶外遊覽遇上大雨, 當地的導遊無晒心機, 似乎只懂等雨停, 什麼也不做, 連安撫團友也沒有.
回覆刪除[版主回覆07/09/2008 22:11:00]係咪落雨佢賣唔到 optional tours, 所以冇心機呀 ??
比個叻你。
回覆刪除[版主回覆07/09/2008 22:08:00]Thank You !
咁...你要擺多幾把遮係車啦.你知近來香港D天氣痴左線啦.....如果唔係..分分鐘做死自己呀....係咪....!
回覆刪除呵呵~係D正西人面前...認叻...應該..為中國人爭光嘛...哈哈~
[版主回覆07/09/2008 22:07:00]以前一日行 tour 嗰陣佢哋個個都有遮, 不過尋晚冇落雨佢哋至冇帶 !
其實我好謙虛 !耐唔中至認吓叻之嗎 !
你唔駛化妝既最大原因係因為你化左同唔化都無咩分別姐 以為我唔知咩
回覆刪除[版主回覆07/10/2008 10:17:00]你錯勒 !唔化粧嘅我係青春可人, 化咗粧就嚇死人.為免死咁多人,我多數用真面目見人 !
做導遊就需要隨機應變，你是我的偶像！好好向你學習！
回覆刪除[版主回覆07/11/2008 11:03:00]嘩 ! 不敢當 ! 我講出嚟係想大家分享吓做導遊嘅喜與樂 !
有急才的導遊 , 客人都多啲貼士啦 好嘢!!!!
回覆刪除