眼睥睥

今日我俾好多人"眼睥睥",

因為落住大雨我仲停响條街講嘢!

開始行 tour 嗰陣都係落住微微細雨,

點知未行到去街市已經傾盆大雨.

有一家四口又冇帶遮,

但佢哋又話唔介意濕身要繼續行.

每當我停响 D 擋攤講解嗰陣,

我哋一行九男女就圍成一個傘海.....變相阻住咗人哋,

所以人人行過都 "眼睥睥",

D 目光直情係覺得我哋阻住個地球轉,

大佬呀 ! 我都唔想 !

我夠想 D 客 cancel 唔去咯 !

反正有冇客去 tour 我都有 Guide Fee 嘅!

咁但係 D 客要去,

我就要做嘢嫁喇!

唔通齋行唔講嘢咩!

所以我今日 "硬食"咗好多 "狠毒嘅眼光" !