早排講過帶咗一對荷蘭夫婦去九龍半日遊,
佢哋尋日 E-mail 噃 D 相俾我,
我急不及待要擺上 blog,
因為有兩張我都做咗"影後",
正正啱哂我心意,
因為我不嬲都唔會响個 blog 度露面.
費事唔覺意"爆"咗 D "行內"嘅"秘密"出嚟俾人追斬,
今日真係"黑到爆",
今朝本應接早機,
起身 check 班機有冇早到,
誰不知 cancel flight,
唔好唸住我可以瞓噃,
我 keep 住要 contact Airline 睇吓班機點解 cancel,
最後 Agent 話班客改咗五點到,
問我可唔可以接佢哋,
反正我送機入機塲,
咪唸住 take 埋呢轉 order 至收工囉!
今朝坐纜車嗰陣見到一班用手語嘅聾啞遊客, 
而個導遊又係我識嘅,
即時好有興趣想知佢係咪用手語同D客溝通 ????
原來隨團有兩個識手語嘅工作人員,
好似報新聞咁用手語表達導遊所講嘅資料 !
佢話做呢個團比平時辛苦,
因為要控制講嘢嘅速度,
太快個工作人員會叫你慢D講多次,
太慢佢又停响度望住你,
總之就要花多D精神同時間.
今朝去到山頂一行出 Shopping Mall,
就見到呢個畫面......
兩個人似打緊架......响度互相推撞 !
跟住就聽到.........
咪走呀 ! 企响度 ! 捉住佢 ! 打荷包 !!!
然後一個男人被人推落地 !
起身又企圖再走......再俾人推落地......
D客問我乜嘢事????
我咪話好似係"打荷包" !!
