我的禮物

呢堆係今年D客送俾我嘅其中一D禮物

有Jamaica Coffee......荷蘭同克羅地亞小擺設. 仲有..........

個客响珠寶廠買俾我嘅玉吊咀同另一個客送嘅"Little Rock"

雖然D小禮物唔值咩嘢錢,

但係嗰份 "心意" 會令你覺得好 "窩心" ,

人哋同你 "萍水相逢" ,

點解要送嘢俾你喎 ???

唔通覺得我 D services 特別好 ???

我兜個圈讚自己!死未! 哈哈!

將心比己......你自己去玩嗰陣都唔想個導遊當你"水魚"咁劏,

雖然我哋都會帶D客去買嘢,

但絕對唔係唔買嘢就 "落閘放狗" 唔准走嗰種.

D客話我帶團嗰陣成日講笑,

好似好enjoy 份工咁,

係o家........ 依家大部份嘅人都係為生活而工作,

有幾多人可以好似我咁,

娛工作於興趣......又娛興趣於工作呢 ??? 

兼且又足夠過活喎!!!

我份工真係好好o家 !

人工OK.....假期又好.....冇嘢做就放假,

周不時又有 D "意想不到" 嘅收穫 ,

咁嘅工......去邊度搵喎 ?

大家係咪好"羨慕"我呢 ?