損失 vs 執到

本來接咗個 4日商務團,

點知臨接機前兩個鐘,

個 agent 打嚟話班客原來唔識英文,

名單中嘅中東人原來只係識亞拉伯文,

本來有 2 個大陸人識英文,

但係話得事嗰個 "老總" 只係識 "煲冬瓜".

所以要求要換個講 "煲冬瓜" 嘅 guide......因為呢D係商務客,

個agent係逐個鐘同個客計,

我都係逐個鐘同佢計 guide fee 

所以佢話我有咩損失照同佢計就得,

我嘅"損失咪就係呢 4日嘅 guide fee 囉 !

我收足錢只係做咗轉 "接機",

同今朝show up 咗15分鐘,

交待 D 細節同 petty cash 俾個大陸 guide就 "功成身退". 

咁究竟我係"損失"定"執到" 呢???

滿足感

今次呢個團係我 "第一次" 自己接嘅 job ,

由 報價, book 車, 帶 tour, 搵餐廳, arrange Macau Tour,

接送機都係自己 "一手一腳" 做哂.

我已經 quote 個最低嘅價錢,

但個 profits 仍然好可觀 !

但我嘅滿足感並唔係嚟自錢,

而係人哋對你嘅滿意同信任.

事緣舊年我帶團嘅時候,

個 agent 老細覺得我有交帶....佢好滿意.

所以問我下次佢有團嚟香港嗰陣佢可唔可以直接搵我幫手,

我當然話冇問題啦 !

我的禮物

呢堆係今年D客送俾我嘅其中一D禮物

有Jamaica Coffee......荷蘭同克羅地亞小擺設. 仲有..........

個客响珠寶廠買俾我嘅玉吊咀同另一個客送嘅"Little Rock"

雖然D小禮物唔值咩嘢錢,

但係嗰份 "心意" 會令你覺得好 "窩心" ,

男人都好色 ???

早兩日接咗五個唔知以色列定中東佬 ?

個 agent 講到佢哋懶巴閉咁,

又話响領事館做.....又話係市長,

話到佢哋係 VIP 咁.....要好好招待.

酒店仲出動埋 Sales Manager 出嚟招呼佢哋 !

問佢哋有咩資料想知,

遊完一輪花園最後咪又係想問响邊度有夜總會......"馬沙池"

其實最終目的咪又係想搵 "女".... 正"屎橋".

我同個女 Sales Manager 一齊玩佢哋,

响個 Map 求其指一間叫佢哋去,

又話如果有 "靚女" 叫佢哋請飲嘢就執生,

記得識路返酒店.

第二朝佢哋居然好準時咁出現响我面前去 tour,

其中一個客我一路講嘢佢就一路咳,

停站站都話要買 "口罩",

最後都係要等到返尖沙咀至買到.

五個麻甩佬企响間鐘錶舖門口

即時帶住個 "口罩" 扮大賊.....嘻嘻哈哈大聲叫,

仲叫我幫佢哋影相.

嚇到 D Sales伸哂個頭出嚟眼望望以為佢哋打劫.

跟住經過間藥房擺咗D女性 "性用品" 响門口,

班麻甩佬即時停响度指指點點, 嘻嘻哈哈,

係咪真係天下男人都"好色"嘅呢?????

魯班師傅尺

今日個客問我响邊度可以買到量度風水嘅尺 ?

我唸爆頭以為佢講緊羅庚 !

同佢去到間書局叫老闆攞咗唔同呎吋嘅羅庚出嚟,

點知佢話唔係.

後尾老闆攞咗把裝修師傅用嘅呎出嚟,

尺裏面居然有吉凶嘅資料,

個客一睇就話係呢把!

老闆話呢把叫做 "魯班師傅尺".

我問個客咩你識睇中文咩?

佢話唔識......問我有咩方法 ?

老闆就教佢見到紅色代表吉, 黑色代表凶.

仲叫我幫佢譒譯D字潻!

最後個客滿心歡喜咁買咗五把尺帶噃家鄉做手信.

紅燈區之妓女去咗邊 ??

今日响旺角做咗個 walking tour,

其中一對couple  係American Chinese,

個老婆鬼死咁多嘢問,

當然我就發揮我小導遊口水多個茶嘅本色,

逐一為佢解答啦!

其中一個問題佢問到 :

點解响呢個舊區會起一間 5 星酒店呢? 

我答佢因為呢個集團想改變呢區嘅形象,

仲話俾佢知呢度以前算係平民紅燈區,

佢即刻好有興趣問依家 D 妓女搬哂去邊 ??

你哋估我點答佢 ???

遊輪發達記

早兩日有隻遊輪嚟咗香港,

如果唔係政府議而不決,決而不行,

今日我哋已經用緊啟德個遊輪碼頭,

而唔係"囉" 响貨櫃碼頭落客啦!

好似離咗題講我個發達記 tim 

嗰日帶咗班南美客......佢哋响珠寶廠 crazy shopping,

我响一日之內搵咗我一個月嘅使用,

响我做咗咁多年嘅導遊生涯上,

從來未試過咁好彩,

今次發達啦!

我要好好利用我 D 運氣,

買多幾條六合彩,

話唔定頭獎都有得我中 ........hohohooooooooooo

無心挿柳秋交行 - 完結篇

雖然我行咗一 "笠" 鐘,

但係我總共行咗三條唔同路線,

不過條條只係行廿分鐘之嗎 !,

行咗去盧吉道冇嘢睇,

轉移走咗去行大斜路,

去咗山頂無數次,我都唔知條大斜路究竟通去邊 ?

行到我死死吓.......原來嗰度得個公園同埋.....

我唔知幾時買落嘅豪宅, nothing to see  

最高嗰間就係我間豪宅呀 !

無心揷柳秋郊行 (1)

今日帶 full day tour,

但係冇包食飯,

又唔使去赤柱,

所以特登响 lunch time 先上山頂,

等個客有地方食嘢!

因為個客想留耐 D,

咪索性俾夠兩粒鐘佢囉!

我食完老麥見 "百無聊賴" 咪走咗去行山,

記得以前行過盧吉道可以睇清楚上環,

但係依家D樹高到咩都睇唔到,

雖然係咁.......但今日天氣算幾好,

涼涼地, 幾舒服,

唔覺意原來我都行咗成個鐘.................待續

恰吓恰吓

今團個領隊係新手,

未嚟過香港,

本來唸住儘量配合佢,

唔好俾D客估到佢未嚟過,

點知佢又冇準備,

我講tour嗰陣又唔 drop notes,

到譒譯嗰陣又講唔出,

仲要D客提噃佢! (其實D客大部分識英文)

返到酒店仲激死,

D客都未上哂房,

佢連 namelists 都冇攞就唔見咗人,

call 上房叫佢落嚟問使唔使過D料俾佢,

佢竟然話好倦淨係想瞓覺.

救命呀 ! 咩嘢人嚟o家 ???

希望佢去到大陸唔好再恰吓恰吓,

唔係實俾大陸 D guide溶咗佢 !

明日之星 ???

今日送客出機場嗰時,

响旅遊巴度有個"靚仔"

話要幫我影 video 訪問我,

(咁大個女都冇試過俾人訪問.....即刻o累飯應! 哈哈 !)

原來佢話我講tour嗰時成日講笑話,

覺得我好funny. (我夠覺得佢好靚仔啦!)

影完睇噃段 video 發覺自己上鏡時會不自覺成日眨眼,

仲有講嘢嗰時好多手勢,

但總括嚟講我都係一個"靚女"嚟嘅........哈哈哈哈

PS : 靚仔發誓唔會擺我上youtube

食自己

都未試過帶客去食飯自己冇得食,

因為公司改政策慳錢,

將餐廳個 free dinner quota 俾咗老外領隊,

雖然唔恨食佢個 buffet,

但明明帶住班客要但 "食自己" 就"心有不甘".

大熊貓 ??

好耐冇 update 我個 blog ,

因為依家係鬼佬 market 旺季,

我差唔多日日都早出晚歸,

就嚟可以去海洋公園代替大熊貓嘅位置 

你睇佢哋幾嘆 ?

大明星 ?

咁多 fans 叫佢簽名嘅 ?

 

唔通佢係大明星 ?  

掠水記

Chinese Cooking Wok

之前都唔覺"凌霄閣"嘅頂層叫"摩天台" ,

明明之前上去都唔使 $,

最近呢兩 ,三個禮拜開始居然要收 "廿雞 ",

如果買纜車套票就有 discount,

點解無端端要收 $ 呢 ???

唔通因為太多同胞迫住哂,

定係佢嘅設計得一條路上,

驚火燭嗰陣冇路走 ??

四川變臉

尋日接咗兩個英國客,

不知幾 friendly咁,

大講 90年嚟香港 D 陳年 "舊屎" ,

點知今日見到佢哋塊面"黑"過"包公"

以為佢兩公婆 "吵大鑊",

 原來係跌爛咗部相機 ,

我唯有講句 "sorry to hear that",

雷射鎗之死

今日05:30 做到 15:00 至有得 rest 吓,

食完晏咪叫司機車埋我去"雞埸" 囉, !

同佢吹咗一陣水我就恰著咗,

朦朧間覺得架車停咗,

以為已經到啦,

原來係俾警察叔叔捉快車,

今次司機哥哥係死係 "86咪快速雷射鎗之手."  

今日=white do,

好彩唔使扣分 !

唯有當破財擋災啦 !

餓狼傳說

尋日帶咗 "九男女" 去黃大仙,

見到班大陸同胞好似餓狼咁衝埋嚟班鬼妹度,

話想同佢哋影相,

鬼妹以為影一張咪 say "yes" 囉 !

點知佢哋當班鬼妹係報景板,

影足5分鐘不特只,

其中一個餓狼仲伸出隻鹹豬手想搭人膊頭,

我正想喝住佢,

鬼妹已經啤爆佢,

仲即刻九秒九逃離現場.