我最怕同人迫兼唔使開工
所以又留响屋企玩 "煮飯仔"
.....繼續我嘅 "三十零蚊可以煮 D 乜" 系列 
第一味出場係 "莞茜茶瓜皮蛋魚片湯"
我將 D 材料全部炒香出哂味至加水.......20 分鐘攪掂....好好味
冬陰公汁紫洋蔥三文魚頭.....因為怕老媽 "o厭" 太辣.....所以我加咗茄膏一齊煮
麵醬蒜蓉蒸排骨......我以為麵醬會好鹹....所以冇落豉油.....蒸起有 D "淡口"
甘筍雲耳椰菜包......賣相係咪好靚呢......呢碟餸最平 - $5....不過攪咗好耐
又係時候計吓用咗幾多錢......
鯇魚片 - $8, 茶瓜 + 皮蛋 $5, 莞茜 $2, 排骨 $10, 椰菜 $3, 甘筍 + 木耳 $2, 三文魚頭 $7, 紫洋蔥 $1, 醬料 $1..........$39 冇超支
我 "廚藝" 其實一 D 都唔叻
不過我好享受 "煮" 嘅 "過程"......真係好好玩
