過度活躍

上星期帶嗰一家五口,

其中一個小朋友係一個三歲嘅可愛小肥 B

佢由上車嗰一刻開始就冇停過講嘢、唱歌、攪架車 D 嘢

仲每事問點解......仲係你答完佢點解佢再問點解嗰隻呢

坐响座位又冇時停........連佢父母都好似攪佢唔掂

到我話佢再唔坐低就要佢戴 "安全帶" (其實應該一定要帶)

佢就乖乖坐响度唱 "生日歌" 俾我聽兼扮切蛋糕

小 肥 B 好似有 "無窮精力".......而佢父母俾佢 "武" 到簡直 "筋疲力盡"

有日同佢爹哋傾計

佢話小肥 B 有 "過度活躍" 症狀

佢對每樣事物唔會 "專注" 超過一分鐘

只係最鍾意玩水

所以有日父母去 shopping......我同兩個亞哥就負責睇住小肥 B 响 "噴水池"玩水

希望小肥 B 第日去 D "專門" 嘅學校學習後對佢有幫助啦!

小肥 B 玩到成個水人咁

你睇佢好似嘆緊世界.......實則佢見架纜車倒後行......嚇到乖乖哋坐响度

佢係都要將舊跌咗落地嘅冰擺落口, 我捉都捉唔住佢

白做

打從 "黑雨" 嗰日開始我就由朝做到晚

尋晚成一點至响機場收工.

呢幾日都係陪住一家五口

其中一日個客話想去 "東薈城" outlet shopping,

買完嘢我 call 司機埋車

司機嚟到想駛好架車埋路邊俾我哋上車

明明前面冇車.......後面有大概兩呎位

司機唔知做乜 "Boom" 一聲撞咗埋後面架車度

雖然好嚮......但只係撞凹咗小小......唔細心睇根本睇唔到

如果係普通車碰撞.......可能賠幾百蚊就攪掂

但好衰唔衰呢架係掛 "CC" 牌嘅 "領事車"

個司機第一時間就報警

雖然只係 "備案"........十日內如果雙方 "和解" 唔到至正式落 charge

但因為係 "領事車"......對方多數會返 "原廠" 報價......條數可能會 "好甘"

但如果唔 "和解" 就要上堂

既要罰錢又要扣分.......仲要 claim 保險 (下次買保險又貴 D)

所以司機可能要 "硬賠"......即係話司機呢幾日都係 "白做"

而我可以做嘅就係......日日請佢食飯當 "幫補" 佢囉!