童真

尋日接咗一個德國家庭.......兩公婆加兩個男孩

小男孩大約八、九歲......很可愛的樣子

當 Check in 時爹哋要求......如可能的話想要兩間相連嘅房間

幸運地又真係有喎

當我問爹哋媽咪使唔使打開中間嘅房門時

大、小男孩 "不約而同" 都 Say "No....No....No"

當爹哋扮 "嚴肅" Say "Yes" 時

小男孩擁着媽咪好似 "樹熊" o甘猛話 : Mum Please don't open....Please

原來媽咪話兩兄弟成日掛住睇電視唔瞓覺

所以爹哋至話要開咗房門

最後媽咪同佢哋 "約法三章" 唔可以夜瞓

小男孩至可以 "得償所願"

今日見到小男孩時我講笑問佢 : Is the door still close ?

佢笑住答我 : Yes

我話 : That's mean you are a good boy!

佢好 "怕羞" o甘 抓抓頭望住我儍儍o甘笑

小朋友就係o甘可愛......呢 D 就係你同我都冇嘅 "童真"

專業 VS 失當

早兩日去機場接機

等咗好耐至見到兩母女兩手 fing fing 行出嚟

我以為佢哋 D 行李寄失咗

原來係佢哋响廣州 Check in 嗰陣

個職員誤將佢哋 D 行李轉運去三藩市

佢哋上咗飛機攞個行李牌出嚟睇至發覺

到咗香港問吓想攞噃 D 行李得唔得

職員話最小要揾三、四個鐘至可以揾出嚟再送去酒店

但佢哋第日一早就走

o甘即係攞嚟都嘥 gas

我問佢哋乜個職員冇講俾佢知件行李寄去邊咩?........答案當然係 "冇" 喇

從呢件事當中就顯得香港機場嘅地勤 "專業" 得多

每次佢哋俾噃 "登機證" 俾客時都解釋清楚行李寄去邊、幾多號閘口、幾點登機等等........

而祖國就 "求求其其".......仲周不時寄失行李........唉

遊船河

尋日臨時接咗個商務客

聽講個客係 "耶加達" 上市公司嘅高層

可能佢真係 "貴人事忙"

所以去旅行都去得 "怱忙" 過人

尋日十二點幾至到香港

今日下晝就去澳門

聽日就直接响澳門坐船去機場返 "耶加達"

我今日陪佢哋坐船過澳門

响 "移民局" 排咗 "一粒鐘" 至入到境

交帶咗個客俾澳門嘅 Guide 後我即刻入噃閘

嗰條龍又係長到亞媽都唔認得

好彩趕得切過關唔使送船尾

响我 "好夢正濃" 嘅時候有 "廣播" 話遇 "大浪"

架船拋高到好似玩 "過山車" o甘

不過我都係繼續瞓話之你......

就係o甘我今日就遊咗轉有錢收嘅 "船河".....呵呵呵