別問她是誰 ???

坐响淺水灣觀音廟下呢位女仕究竟係 "何方神聖" 呢 ????

拾荒者??? 丐幫幫主 ??? 偉大祖國嘅人民抑或係..........

我唸再俾你估多十次八次你都未必估得到......

佢真正嘅身份係...........

燈.....燈....燈....燈........

一個講 "煲冬瓜" 好叻嘅俄羅斯導遊,

估佢唔到呢 !!!

肥版王敏德

今日帶住兩個 "智利男" 行全日 Tour,

成朝佢哋都表現得好興奮,

去到個個景點都擺出 V 型手勢影相影唔停,

最攪鬼佢哋去到淺水灣居然走咗去游水,

返嚟嗰時揸住條 "濕漉漉" 嘅 "底底",

我仲笑佢哋內裏 "真空" 小心冷親 !

而家佢哋响赤柱 Shopping 緊 ,

我就坐响 Cafe 嘆 Coffee ,

就快夠鐘接噃佢哋啦!

係咁先!

係咪真係好似肥版王敏德呢 ???

Double Pay

相信今朝除咗服務性行業嘅朋友要返工外,

大部分人都因為 "巨爵" 大爺嘅出現而 "額外" 享受咗半日假期,

而我呢.......今朝一早係要開工嘅!

不過......間 Agent 話開工有 Double Pay 喎 !

其實幸運地好多時 8 號風球我都唔使開工,

你哋睇我o甘 "悠閒" 就知我 "冇" 工開而唔係 "唔使" 開工喇 !

今次係會展有個大型唔知 "會議" 定 "展覽",

我接嘅 Job Duty 係跟 Shuttle Bus 由酒店送 D 客過會展

即係俾埋錢我 "遊車河"

15 分鐘唔使就賺一條半 "紅衫魚".........簡直 Easy "執" !

今朝開工仲 Double Pay.......話o甘易就 "執" 咗差唔多一隻 "金牛" !

風球已經落左!

你哋而家就 Ready 返工..........我就預備揾 "周公" ! 

冇幾可 08:00 灣仔冇乜車

Hold 住棵樹嘅架都吹到爛咗 

銅鑼灣 D 小巴都冇開工......但亞婆就已經推住佢架戰車揾食!

破財.....有冇擋災

唔知今朝大家有冇受 "跳軌" 事件影响返工呢 ???

我就係受害人之一!

本應今朝七點 Order 我可以 "他他條條" 坐地鐵去佐敦,

點知入咗閘至聽到廣播話荃灣線有人 "跳軌",

最快要 15 分鐘至有車,

但我個 Order 係 7:00.......嗰陣已經 6:30 .........點等呀 !

唯有 "死死地" 出噃閘坐的士喇 !

無端端俾多 6 倍車錢,

一早起身就破財........唔知係咪已經幫我擋咗災呢 ???

送外賣

悠閒咗個幾禮拜,

今朝捱義氣幫個住响離島嘅 Guide 送轉 05:00 早機 !

真係好早......我四點起身..... 15 分鐘搞掂坐的士過海都唔使半粒鐘!

到咗酒店同司機吹緊水之際,

突然見到個 "花枝招展".....着住極短 "迷你裙" 嘅 "菲女" 响酒店行出嚟,

司機即時 "衰衰o甘" 講咗句 : "乜o甘早送完外賣" 呀 ???

送外賣......點解唔見架單車泊响酒店門外嘅!