心意 - 2 (update)

大家估吓呢 D 係乜嘢嚟嘅 ???

係咪好似 C - O - X - X - X - X  呢 ??

冇錯.........呢 D 之唔係好似 COXXXX 嘅 金裝 COFFEE 囉 !

呢 D Coffee 係一個 "搖頭男" 臨入閘前送俾我嘅 !

唔好以為佢唔要至俾我,

因為佢哋鍾意帶定 D "乾糧" 响房食,

而且香港至係佢哋行程嘅第一站,

但佢居然响第一站就俾哂 D Coffee 我,

雖然 D Coffee 唔值錢,

但嗰份 "心意" 好難得 !

我有叫佢哋留噃俾自己飲,

但佢哋話我留咗一個好好嘅 Memories 俾佢哋 !

所以好想送 D 嘢俾我 !

o甘佢哋係咪即係 "讚" 緊我呀 !

成日都俾人 "讚"........我仲要講出嚟俾人知...........係咪唔得我死呢 !



Update on 12/6

今朝試咗 D Coffee......勁難飲 !

冇咖啡味兼好甜........平時我飲咖啡唔落糖嘅 !

嘥咗 "搖頭男" 一番 "心意" !

全女班

兩位男仕係正副領隊

呢張相係兩個禮拜前 "攝影小王子" 幫我班客影嘅團體相,

佢哋成班都係 Travel Agent,

專係介紹行程俾人客嘅 Counter Sales !

唔知係咪女人特別多嘢講嘅呢 ?

佢哋响架車 "雞啄唔斷" 未停過,

不過我都唔弱,

佢有佢哋傾計.........我有我講 Tour,

終於佢哋敵唔過我個 "咪" 嘅聲浪,

最後咪 "死死哋" 收聲聽我講囉 !

同我鬥.......大聲...........你哋未夠班 !

雖然佢哋係 Agent 唔係客,

但 "靚仔領隊" 都好識做,

除咗 "醒" 咗 "歐羅" 俾我做 Tips 之外,

仲送咗隻 "碟" 俾我做記念.......佢話可以用嚟裝飾吓我屋企喎!

橫睇掂睇呢隻 "碟" 都似係用嚟裝嘢食多 D !

但佢背面真係寫住 "EXCELLENT SOUVENIR" !

但個 Bar Code 牌亦寫住 "BREAKFASTPL",

o甘即係點呀........話之你乜用途都好喇 !

我有理冇理洗乾淨第一時間擺咗佢入廚柜 !