超準時

上星期接咗一行 11 人嘅 "搖頭" Family Group,

可能係我 "先入為主" 認定佢哋係 "遲到一族",

所以一開波我就 "兇" 佢哋,

有好多參觀嘅地方係 Pre-book & Prepaid,

如果佢哋 "遲到" 錯過咗任何節目係唔會有任何 Refund 嘅 !

誰不知出乎我 "意料之外",

o甘多日行程之中佢哋冇遲到不特止.......仲超準時 !

平時對住 D 遲到當冇事嘅 "搖頭黨" ,

我嘅服務態度係 "唔會做多亦唔會做小" !

但對住一 D 好 Nice 嘅客我又唔介意做多小小 !

好似個客嘅仔今次嚟係順便去 Citibank Plaza Interview,

因為佢想暑假嚟香港做暑期工!

我就 "為人為到底" 陪佢坐地鐵去到中環再教佢點行去, (我當然冇出閘喇 !)

o甘咪即係話我嘅態度都幾衰!

只會 "你敬我一尺, 我敬你一丈" !!!!

得罪我就..............

我中咗招

前日我咪帶住班 "搖頭色狼" 嘅 !

行完 Tour 食完 Lunch 經過灣仔維景酒店,

我問 D 客知唔知香港 confirmed case 單嘢,

話個客因為發燒至發現有 "豬流感" !

跟住我發現 色狼 A 望住 色狼 B 嘅眼神好奇怪 !

我咪問佢做乜o甘望住佢囉 !

A 話 B 尋晚發過一個鐘頭燒........不過之後已經冇事 !

吓 ! ......唔怪得今朝佢猛o甘用條手巾抹鼻喇 !

我叫個客即刻戴口罩.........但佢唔肯!

我咪唯有叫司機即刻開窗.

我仲同班客講為咗大家健康着想,

一陣去到機場我只會同你哋 Say Goodbye 而唔會同你哋握手.

早兩日我已經有 D "喉涸涸兼聲沙",

唔知係咪心理作用.......覺得自己已經受感染.

開始覺得條脷好似 "生痱滋" 有 D 痛,

返到屋企仲開始流鼻水,

我臨瞓即刻 "拍" 咗兩粒 "幸福傷風素",

第二朝起身又好似乜事都冇 !

不過今朝又好似攰咁  !

睇怕我依家又要去瞓覺.........其實我起咗身冇耐咋 !

好彩我冇發燒.......所以我應該只係感染咗普通感冒而唔係 "豬流感",

大家放心........我唔會o甘好彩成為第一個感染 "豬流感" 嘅港人嘅 !

搖頭黨

我已經响 10 日內做咗第三班 "搖頭黨",

上星期有間 Agent 打俾我問我做唔做印度客 ??

講真就算唔係 "金融海嘯" 我都好小揀客做,

唯一有得揀嘅係我唔會帶團上大陸.

上去個 Agent 度傾 Order 時佢仲成個 Series 俾哂我........成 22 團喎 ???

我即時反應係 : "吓 ! 俾哂我 ???? "

Agent : "係 !!! 我費事再揾人........你唔想咩 ???

我話 : 唔係.....不過我咪要成日都食印度餐兼俾佢哋搖到我頭暈 !

其實 "搖頭黨" 又唔算好難帶,

只不過佢哋係習慣遲到 & 長氣 D 啫 !

我已經同自己講咗要調節好自己嘅心態,

要比平日更加 Take It Easy !

反正 "搖頭黨" 嘅心態係 "你急佢唔急" !

無謂令自己勞氣喇 !

第 1、2 團都 OK......因為係 Family Group!

但今日就接咗九個 "色狼" !

你話我 "歧視" 佢哋都係o甘話,

總覺佢哋 D 樣 "猥猥瑣瑣" o甘,

可能我太瘦冇セ "身材" 喇 ........雖然冇乜......應該都有小小

我估佢哋錯認我係 "靚仔" !

所以講嘢嗰陣又想搭膊.....又想拍背,

我 "左閃右避" 之下仍俾佢拍咗兩嘢背脊!

我半笑半認真同佢哋講 !

我係 "靚女" 唔係 "靚仔" !!!

你哋講嘢唔好郁手.........唔係响香港分分鐘會構成 "非禮罪" !!!

仲有班 "色狼" 一上車就問香港有乜夜生活.....有冇 Night Club.......有冇 Body Massage.......最後仲問埋 "Prostitution" 合唔合法 ???

我咪話 "冇" 俾警察 "捉" 到咪合法囉 !!!

最 "諷刺" 嘅係今日嘅行程係去大佛,

枉佢哋仲好意思話要去 "禮佛",

呢 D 係咪叫做 "彿口淫心" 呀 !!!

食完飯我掉咗班 "色狼" 落 "廟街",

希望今晚佢哋唔使响差館過夜喇 !