三條 King

送走咗 "姿整" 領隊,

第日就接咗三條 King.

佢哋係去大陸做生意,

不過未嚟過香港,

所以大陸個廠家咪安排咗我呢個美女帶佢哋遊香港囉 !

因為佢哋冇帶相機,

所以我借咗我部相機俾佢哋 !

代價緊係要同我影噃張 "美女與型男" 嘅相喇 !

合作伙伴

"金融海嘯" 至今差唔多浸咗半年,

舊年仲未算影嚮到旅遊業.

因為外國遊客一般會預早半年至一年 Book 定 Tour 兼俾哂錢,

所以舊年嘅客量並未受影嚮.

但今年就............

我前兩日接咗今年 "荷蘭兄弟" 嘅第一班客,

終於感受到 "金融海嘯" 嘅影嚮,

全團人數連領隊只得八個.

下一團仲多..........六大個 !

Susan Boyle & Alex Ferguson

原來呢期有一個响 Scotland 住嘅 Susan Boyle 响 youtube 好紅,

因為佢參加咗英國一個類似 Talent Show 嘅節目,

佢嘅外表 & 年齡 "活脫脫" 係一個肥師奶,

當時評判 & 觀眾都笑佢,

但當佢一開口唱歌......佢嘅歌聲簡直令人 "驚為天人"

以上資料我唔係响 youtube 睇到.........因為我好小上 youtube !

而係我尋日帶咗一個响 Scotland 嚟嘅客講我知

原來我個客識 Susan Boyle  !

導遊證

尋晚去工聯會上咗個導遊續證嘅專題講座,

我連個講座嘅主題係乜都唔知,

原來叫做 " 香港旅遊業誠信與發展",

講座仲請咗董耀中做嘉賓.

佢講咗セ我當然唔知 ?

因為我只係帶咗個 "肉身" 去,

我嘅思想 & 靈魂當然唔知飄咗去邊喇 !!!

當我正進入夢鄉之際,

突然聽到 D "喝倒采" 聲

原來係講到導遊續牌時要再考試 !

塞錢俾我使

呢兩日接咗班响 Bulgaria 嚟嘅客,

因為佢哋係 Family & Friends ,

所以冇領隊跟住嚟 !

個團有個好奇怪嘅現象,

就係無論老嫩都只係得女仔識講英文,

而 D 男人就 "嘰哩咕嚕" 唔知佢噙乜 !

不過佢哋都好 nice........成日都對住我笑.......可能因為我 "靚女" 呱 !

本來只係得接送嘅 Order ,

但佢哋係都要 "塞" 錢俾我使,

既要去 City Tour.......又要去 Dinner Cruise!

上到 Cruise 見到個場 "靜" 到嚇死人,

差幾乎 D 枱都係 "吉" 嘅 !

我班客飲酒好似當飲水o甘,

開咗幾支白酒加紅酒,

成為全場嘅 "大豪客" !

我係o甘易做兩轉 "接送" & 兩個 Tours........再加埋 Tour Commissions & Tips,

就執咗差唔多成三隻 "金牛" !

我唔貪心o家.......唔使日日做,

求其一個禮拜有一班o甘嘅客就夠.......因為我 "懶" 吖嗎 !

英名一朝喪

响泰國血戰咗o甘多日,

我差唔多 "彈盡糧絕" !

呢幾日當然要揾噃 D "子彈" 喇 !

早兩日接機.......Check 咗幾次都話 09 : 50 AM 至到,

我响屋企出發到機場唔使 45 分鐘,

加上個團成 19人,

起碼半粒鐘至出嚟 !

我咪 "大安主義"  09:15 AM 至出門口,

誰不知架巴士啱啱到機場,

就收到領隊電話問我响邊 ???

當然我就講咗個 "善意嘅大話" .........响 Happy Room 囉 !

望吓隻錶至啱啱 10:00 AM......冇理由佢哋o甘快會出到嚟 ???

原來班機早咗响 09:30 AM 就撻咗落嚟 !

佢哋 "早到" 就攪到變咗係我 "遲到" !

見到領隊仲俾佢 "串" 我 : "Next time please be on time" !

我唯有 "硬食" .......鬼叫我真係遲咗幾分鐘咩 !

呢次係我 "迎送生涯" 嘅第一次遲到 !

今次真係 "英名一朝喪" !