皇后失落於貨櫃碼頭

啱啱接咗班郵輪客响機場送去貨櫃碼頭.

呢排好多郵輪嚟香港.....又 Queen Victoria, 又 Queen Mary,

不過唔理你係 "維多利亞皇后" 定係 "瑪莉皇后" .....佢哋都冇特權,

都係要响貨櫃碼頭棲身 !

鬼叫佢哋個身型o甘龐大,

Free Drinks

唔知係咪 "金融海嘯" 嘅關係,

連我哋嘅 Follow Me Tour 都攪攪新意思 !

尋日接到 Agent 通知,

只要有香港身分證嘅朋友都可以嚟跟 Tour,

完咗 Tour 仲可以响酒店嘅 Lounge 享受一杯 Free Drink !!!

今日即刻就有四個女仕嚟參加 !

其中三個係相識嘅 !

但我一睇就知佢哋 "醉翁之意只在 Drink" !!!!

I can't stop it

除咗做 Follow Me Tour 之外,

我已經成兩個月冇接過機,

亦冇正正式式開個一個 City Tour,

今日可算係我第一日復工 !

而今日嘅行程係接完機即踩去香港仔,

本應我都驚自己o甘耐冇開 Tour 唔知會唔會 "發台瘟" 而 "啞口無言",

但係唔講由是可........一講........我都控制唔到自己停口.

真係好似幾個月冇講過嘢o甘.........I can't stop it !

夜晚响山頂食完飯一上車我又揸住支咪,

D 客見到即時有小小皺眉!....D 客心唸 : Oh...No...My God....don't talk anymore !

不過我話只係想問佢哋仲有冇乜嘢資料想知.....

如果冇就俾佢哋休息 !

我見到佢哋個樣簡直係 "如釋重負" !

佢哋唯有當自己唔好彩喇 !

遇着個 "口水多過茶" 嘅 Guide,

希望佢哋返去唔會 complain 我 too much talking 喇 !!!