知識 . 姿色

今日接咗個 Job 去南丫島遊船河兼要陪客 Hiking,

但好奇怪個客要求要兩個女導遊.

今日去到碼頭至知得五個 "麻甩男" ,

同佢哋傾計至知佢哋嚟 Business & 打 Golf !

我哋响船睇到一 D 相有兩個着住 "吊帶背心"嘅女仔攬住個鬼佬錫兼俾佢孭住.

我估佢哋 expect 今次都有兩個 "年青貌美" 嘅靚女嚟陪佢哋飲酒遊船河,

點知嚟咗兩件有 "香港知識" 但冇 "身裁姿色" 嘅.........

女人街 - 女仕勿進

尋日做 "Follow Me" 嗰陣條街鬼死o甘多人,

行到女人街街口企响度等埋其他客嗰陣,

其中兩個 "麻甩男"抬頭望到個廣告牌......跟住响度"會心微笑",

個廣告牌寫乜.......咪寫住 "只准男仕進入, 女仕勿進" 囉!

當我講解完女人街 D 資料之後,

其中一個 "麻甩男" 就問我 : 點解呢度叫 "女人街" 嘅 ???

你估我唔知你個心唸緊乜嘢咩 ???

我咪話好耐之前呢條街主要係賣女性物品,

但而家就乜嘢都有得賣,

剩係冇 "女人賣" 啫 !!!

我好抵死o甘叫佢咪 "唸錯隔離" !!!

跟住全部人都笑到反艇 !

而亞 "麻甩男" 就好尷尬o甘响度陪笑 !!!!