呢排我都冇乜講過 "導遊手記",
因為踏入十二月開始,
除咗 Follow Me Tour.........我都冇開過工
曾經有 Blog 友私人留言問我.......做導遊係咪可以揾好多錢
第二個我就唔知......我就一定係全行最窮嘅 Guide!
因為佢話睇咗我講一日或一個 Job 就揾好多
而家就等我解答吓你哋嘅疑團喇!
冇錯有時我 "一日" 或 "一個 Job" 係揾多小小,
但係.......係 "一日" 唔係 "日日",
仲有 "一個 Job" 可能係嗰個月嘅 "唯一" 一個,
我哋呢行唔係日日有工開,
而 12 月至 3 月仲係我哋 Market 嘅 "淡季",
所以 "坐冷板" 或 "食穀種" 嘅日子都唔小!
我揾嘅錢同你哋可能差唔多,
唯一令你哋 "羨慕" 嘅係我 "放假" 嘅時間比你哋多,
又冇頂頭老細 Head 住我,
最緊要嘅就係........我嘅 "收入" 係冇包要俾老細 "無理取鬧" 囉!
上星期除咗做咗團 "搖頭黨" 之外,
仲接咗個 "羅馬尼亞"團,
最攪笑嘅係個 Organiser 原來唔識英文
.......o甘邊個做翻譯呀 ???
好彩有一對夫婦識英文,
如果唔係真係 "雞同鴨講"
呢班客大部分都係生意佬,
其中一個仲係 Best Western Central Hotel 嘅老細,
今次嚟香港係半商務半旅遊,
所以行程第一站就係去 "羅馬尼亞領事館"
本應唸住 "攝" 時間去食早餐,
點知個客話 "領事" 邀請埋我一齊上去,
吓........咪玩喇......我又唔識聽你哋講乜
......我上去做乜喎 !
坐响個偌大嘅會客室,
佢哋不停 "嘻嘻哈哈",
我就坐响度發 "白日夢" !
本來佢哋有麵包蛋糕招待我哋,
但班客食飽早餐又點會食喎
我望住 D 蛋糕
......吞哂口水
........但又唔好意思食喎
唯有飲杯咖啡止住肚餓先!
差唔多响領事館坐咗成朝至正式行 Tour,
但成個 Tour 我都唔使點講嘢,
反正佢哋最想都係去 Shopping 而唔係 Sight-Seeing !
唔知攞住呢份資料係咪可以免費入住呢間羅馬尼亞嘅酒店呢 ???
原來中國同羅馬尼亞建交咗 60 週年喇!
今朝本來接咗個商務團朝九晚九,
睇落時間好似好長,
但其實呢 D 商務團都係 Easy Job & Easy 執,
因為 "等" 多過 "做",
今朝我九點 Standby 等到十一點,
個客出到嚟話唔使我跟埋去,
剩係叫我話俾司機知......車佢哋去赤柱,
但 Guide Fee 就照俾!
估唔到我講句說話o甘值錢,
今日唔使做就賺咗 $2.....
都係唔好講賺幾多
費事你哋 "妒忌" 我喇!
講噃上星期帶咗一班 "搖頭黨",
佢哋差唔多成千人分批响澳門過嚟,
差 D 迫爆咗信德碼頭!
嗰班 "搖頭一族" 你一句我一句話要去 "重慶大廈" Shopping,
我懶理佢哋o甘多,
只跟足行程攪掂就擲佢哋去機場 say goodbye!
點知第日接咗呢個包團嘅 "大支嘢" 老細,
嚟到開口埋口就話俾咗成千人嘅生意我哋,
行程冇包嘅就屈你加.........包咗嘅就 "閻"你 cheap 要改,
吓吓就打電話上大陸 "老屈" 個 Agent ,
仲狼到約埋自己 Friend 去 "蘭桂坊" 食飯......不過就屈我哋俾錢,
大陸 Agent 同個 cheap 精老細對話嗰陣就話乜都得,
轉頭同我 confirm 俾錢嗰陣就 "鬧" 佢 X 街冚X剷 (唔係我講粗口....個 Agent 真係o甘講! )
總之就乜都 "老屈" 一餐........Cheap 到爆!
但第日送機嗰陣出乎我 "意料之外" 嘅係.......
佢居然俾咗 $100 貼士我呀
唔通真係我 "靚女".......所以佢o甘 cheap 都打賞俾我........一定係
