偷竊記

呢個"黑格比"認真犀利,

除咗沿岸翻起大浪之外,

仲吹咗個賊仔去酒店嘅 Coffee Shop 偷走我個客嘅手袋,

因為打風嘅關係,

尋晚班客被迫取消咗 Dinner Cruises 而改為喺酒店食 Buffet.

突然接到領隊電話話個客被人偷咗個袋,

最慘係兩公婆嘅 Passport 都冇埋.

但最"興"係我問領隊報咗警同取消咗 Credit Card 未 ?

佢一句"得"埋嚟 : I know exactly what I need to do  !!!!!

o甘"巴弊"你打俾我"把鬼"呀 !!!

祿山之爪

大家仲記唔記得嗰 6 個印度人呀 ??

佢哋今日响澳門返嚟,

一見到我就話好肚餓,

問我可唔可以俾佢哋响架車食乾糧,

本應就唔得嘅!

因為知佢哋會食到好污糟邋遢,

但見到佢哋個樣好餓好可憐,

响問准司機之下,

我叫佢哋唔可以整污糟架車,

兼要自己掉埋垃圾至俾佢哋响車食!

當我同司機坐响度吹水等佢哋嗰陣,

其中一個"差"大哥突然想向我施以"祿山之爪",

口水尾 + 給梅姐的說話

尋日臨時接咗個 job 要帶 6 個印度夫婦上大佛,

上到去第一時間我哋就去醫肚,

唔知係咪太肚餓嘅關係,

佢哋居然想用手"嗱"落 D 餸度,

好彩我即時叫住佢哋用匙羹,

唔係點知佢哋有冇用錯去"方便"嗰隻手o家 !

而佢哋又想飲凍水.....因為齋堂只供應熱茶,

我咪發揮我嘅"好客之道"幫佢哋去小賣部買囉 !

點知佢哋六個人只係話要一支水,

跟住"嘔心"嘅事情就發生喇 !

其中一個女人用手响支水度比劃咗六格份量,

跟住"嘰哩咕嚕"同其他人講咗幾句就飲咗 1/6,

跟住好似玩"傳樽仔"o甘一人飲一啖,

救命呀 !好嘔心、好核突呀 !

佢哋究竟有冇衛生常識 ?????

如果好似我哋o甘講話食咗人"口水尾"要聽哂人話,

o甘飲最尾嗰個咪"發達"囉!!!

好彩佢冇話要請我飲啫!

亞喱亞哆

世事往往係好奇怪,

個日本 Guide 連續四日 on duty 就冇日本客,

到我 on duty 就整對日本人我嘆 !

好彩呢對母女都麻麻哋識英文,

正當我開始出發嗰陣,

個媽媽話要返上房攞嘢!

原來佢係去攞 D 小禮物送俾我 !

以我閱人無數嘅經驗,

個媽媽似係第一次出門,

因為每一處我停低嘅地方佢都表現好興奮,

所以我亦比平時更詳細解譯 !

攪到我 over run 哂 D 時間.

身教

呢幾日我接待咗一家四口住响杜拜嘅"印度朋友",

佢哋應該屬於有錢嘅一族 - 坐商務位....住半島酒店.

雖然佢哋都有"遲到"呢個陋習.....但唔算嚴重.

而同佢哋相處呢幾日,

我睇唔到佢哋有 D 自以為有錢就大哂嘅氣焰.

反而從佢哋身上,

我睇到一個小朋友嘅教養,

真係要從小由父母"身教"開始.

事件一 : 嗰日我哋去参觀大佛,

Dad响小食部買咗 D 甜品,

個仔食咗舊煎堆一半就"靜靜雞"掉咗落垃圾桶,

Dad 見到好嬲就好輕力打咗亞仔一巴,

跟住好惡咁用印度文鬧佢,

足足幾分鐘後 Mum用英文話佢唔應該浪費食物,

因為响世界各地每分鐘都有人捱緊肚餓冇嘢食,

而你有嘢食已經好幸福.

最後我為咗打圓塲,

就叫亞仔向 Dad say sorry &講 never do it again.